Sherri i komunitetit rom gjatë një dasme në Spanjë ka degraduar duke sjellë një bilanc tragjik. Për pasojë, janë vrarë katër persona dhe janë plagosur katër të tjerë.
Agjencia franceze e lajmeve bën me dije se viktimat u përplasën nga një makinë jashtë restorantit ku po mbahej dasma. Ngjarja e rëndë ka ndodhur në rajonin Torrejon de Ardoz, rreth 25 kilometra në veriperëndim të Madridit.
Viktimat nga dasma janë një grua 70-vjeçare, dy burra të moshës 40 dhe 60 vjeç dhe një djalë 17-vjeçar. Nuk dihet ende shkaku i konfliktit që shpërtheu mes dasmorëve jashtë restorantit.
Policia vendase bën me dije se deri më tani tre persona janë arrestuar, ndërsa autori i katërt është shpallur në kërkim.
“Kur mbërritëm në vendngjarje gjetëm katër persona të vdekur të cilët kishin pësuar lëndime të shumta fatale”, tha një përfaqësues i ekipeve të shpëtimit.
Discussion about this post