Data e zgjedhjeve të pjesshme lokale, Meta fton për konsultim partitë politike

Presidenti Ilir Meta i ka bërë një ftesë publike partive parlamentare që të marrin pjesë në një konsultim për datën e zgjedhjeve të pjesshme lokale.

Në këtë takim konsultim, ku nuk dihet nëse partitë politike do të marrin pjesë, palët duhet të vendosin së bashku mbi datën e mbajtjes së këtyre zgjedhjeve në 6 bashki. Kujtojmë se presidenti Meta ka deklaruar se pa kryetarë janë 6 bashki, konkretisht Vora, Dibra, Shkodra, Lushnja, Rrogozhina dhe Durrësi.

Ndërkohë që KQZ thotë se nuk ka asnjë informacion se Lushnja, Rrogozhina dhe Durrësi janë pa kryetarë, prandaj ai duhet t’i drejtohet Këshillit të Ministrave për informacion.