Botërori “Katar 2022” mund të nisë më 20 nëntor dhe jo në 21, siç është planifikuar prej shumë kohësh. Një ndryshim i tillë është menduar për të ruajtur traditën e nisjes së edicionit të Kupës së Botës nga skuadra pritëse, në rastin konkret, Katari.
Ndeshja mes Katarit dhe Ekuadorit mund të luhet në datën 20, për të regjistruar dhe nisjen e Botërorit, por një lëvizje e tillë do të reflektohej në ndryshime të tjera pasuese edhe në ndeshjet e mëvonshme.
Një modifikim i tillë mund të miratohet nga Byroja e Këshillit të FIFA-s. Mbetet për t’u parë nëse do të miratohet një lëvizje e tillë, edhe pse duket e vështirë, për shkak se do të sillte të tjera ndryshime.
Tradita që vendi organizator të nisë edicionin e Kupës së Botës ka nisur që nga viti 2006 në Gjermani, por në këtë edicion të Botërorit u vendos që të mos kishte përcaktime.
Kupa e Botës Katar 2022 është programuar të zgjasë nga 21 nëntori deri më 18 dhjetor, teksa sfida hapëse është programuar të jetë ajo mes Senegalit dhe Holandës më 21 nëntor (13:00) në stadiumin “Al Thumama Stadium”, Doha.
Ndërkohë, dy ekipet e tjera të grupit A, Katari dhe Ekuadori, do të ndeshjen mes tyre në stadiumin “Al Bayt” më 21 nëntor (19:00).
Discussion about this post