Trajneri historik i Kombëtares, Gianni de Biasi e ka kujtuar Ylli Mihalin, fizioterapistin e përfaqësueses kuqezi që u nda nga jeta pak ditë më parë në një mënyrë shumë të veçantë.
Përmes një postimi në rrjetet sociale tekniku italo-shqiptar ka hedhur një foto të realizuar në 2016-ën, pas kualifikimit në ndeshjet e kampionatit Europian.
Duke publikuar foton historike me Mihalin dhe stafin kuqezi nga fitorja 3-0 të Shqipërisë në Yerevan me Armeninë, De Biasi ka kujtuar mikun e vjetër.
“Dua të të kujtoj gjithmonë kështu të lumtur, Ylli. 11.10.15. Jemi në histori. Ngushëllime familjes”, -shkruan ai.
Mihali humbi jetën pasi qëndroi dy javë në intubim për shkak të Covid-19, të cilit nuk i shpëtoi edhe pse kishte bërë të dyja dozat e Phizer./K.T/Gijotina.com
