Trajneri i kombëtares së Azerbajxhanit, Xhani De Biasi ka marrë një tjetër goditje. Skuadra që ai drejton u mund me rezultatin 3-0 nga Irlanda teksa ndaj teknikut italian kanë shpërthyer kritikat. Gjatë prononcimit pas ndeshjes ai ka hequr një paralele për eksperiencën me kombëtaren shqiptare duke deklaruar se e kishte më të lehtë me kuqezinjtë.
“Unë e urrej humbjen. Në Shqipëri ishte më e lehtë, sepse shumica e lojtarëve ishin legjionarë. Ne duhet të shkojmë tek objektivi ynë hap pas hapi. Përvoja e legjionarëve tanë duhet të na ndihmojë por kemi pak zgjedhje”, tha De Biazi.
