Mbrojtësi i Juventusit, Matthijs de Ligt ishte shumë pranë nënshkrimit për Barcelonën në verën që vendosi të shkonte në Torino, në vitin 2019. Sipas informacioneve të siguruara nga Sport , ish-lojtari i Ajax-it do të ishte i etur për t’iu bashkuar Barcelonës. Burimet pranë qendërmbrojtësit holandez, garantojnë se ka pasur një detaj që e ka bërë të ndryshojë planet e tij, duke përfunduar në skuadrën e atëhershme ku aktivizohej Cristiano Ronaldo.
Gjatë pushimeve, De Ligt kishte takuar Gerard Pique me të cilin ka biseduar për transferimin e tij të mundshëm te Barcelona. Në atë kohë, Pique kishte këshilluar De Ligt të mos nënshkruante për Barcelonën. Kjo pasi i kishte thënë se qendra e re nuk do të kishte shumë shanse për minuta në “Camp Nou”, ku Pique zinte saktësisht të njëjtin pozicion, në një skuadër të drejtuar atëherë nga trajneri Ernesto Valverde.
Sipas burimeve të cituara nga Sport, Gerard Pique mohon të ketë bërë deklarata të tilla, por De Ligt dhe agjenti i tij, Mino Raiola, garantojnë vërtetësinë e ngjarjeve, të cilat e motivuan qendërmbrojtësin holandez të ndryshojë mendje dhe t’i drejtohet Juventusit.
Discussion about this post