“Menaxhimi i topit ishte shumë i mirë për 65-70 minuta. E mbajtëm mirë topin për ti bërë më pas keq kundërshtarit. Sot pamë paraqitjen më të mirë të Lukakut që kur jam këtu”.
Daniele De Rossi nis kështu analizën e paraqitjes së Romës, fituese në San Siro ndaj Milanit në ndeshjen e parë çerekfinale të Europa League. “Në Leçe nuk e kemi menaxhuar mirë posedimin, në derbi kemi dribluar mirë dhe sot edhe më shumë. Në disa raste kur skuadra është më e fortë duhet të mbash më shumë topin, sulmuesit në fakt mund të lënë hapësirë pas teje dhe për këtë arsye duhet të kesh një këmbë të fortë, ajo nuk duhet të dridhet”.
“Më pëlqeu gjithçka në ekip – vazhdoi De Rossi – Guximi për të mbajtur topin, forca për t’u mbrojtur. Kundër një ekipi të fortë si Milani duhet të dish të bësh gjithçka, duke përfshirë edhe mbrojtjen me një qëndrim provincial. Pas Leçes thashë se nuk do të pranoja hapa mbrapa nga pikëpamja e qëndrimit. Nëse shohim diçka që nuk shkon në Udine do të thotë se kemi ende një rrugë të gjatë për të bërë, sepse ndeshje të tilla duhen luajtur edhe kundër skuadrave më të vogla”.
Pioli justifikohet: Goli i tyre është i parregullt
Pas humbjes 0-1 ndaj Romës në ndeshjen e parë çerekfinale të Europa League, trajneri i Milanit, Stefano Pioli është shprehur i hidhëruar. “Ne kishim disa vështirësi në pjesën e parë. Duhej të bënim zgjedhje më të qarta dhe më të guximshme pa top – shpjegoi trajneri i Milanit. Ata krijuan disa situata, por më pas pësuam gol nga këndi, ku ata u treguan më të zgjuar”.
“Në pjesën e dytë më pëlqeu skuadra dhe ne luajtëm lojën, ndoshta jo me qartësinë dhe cilësinë e zakonshme – shtoi ai. Tani kemi ndeshjen e dytë dhe skuadra mund të bëjë më shumë dhe më mirë”.
Më pas për episodet e dyshimta: “Këndorja nga e cila shënoi Mancini ndoshta erdhi nga një pozicion jashtë loje i Lukakut dhe në finale Abrahami e goditi me dorë në zonë, jo me kokë. Fatkeqësisht nuk jemi shumë me fat me këtë gjyqtar. Përmbysja e rezultatit nuk do të jetë e lehtë. Vetëm ekipet e forta mund ta bëjnë këtë. Por nëse ndonjë ekip mund ta bëjë këtë, ai jemi ne”.
Discussion about this post