Dea Vieri, e cila u eliminua nga një televotim surprizë në spektaklin e të martës, ka publikuar një video në TikTok me një sound viral për daljen nga “BBVA 3”. Por, ajo që bie në sy, është një koment që Dea ka bërë, duke i kthyer përgjigje një personi që komentoi në video.
“Ti nuk dole, ty të nxorën”, shkruhej në koment dhe Dea ia ktheu: “Më nxori Ori se nuk u lidha me Fationin sa për show”, shoqëruar me një emoji të mërzitur.
Nuk është e qartë nëse Dea ka bërë shaka, apo ka qenë një koment që reflekton realitetin e spektaklit. Gjithsesi, komentin e ka parë edhe Ori Nebijaj, e cila ka reaguar përmes një postimi në Instastory.
Një person kurioz i shkroi Orit: “Po Dea, ç’pati, filloi duke ju sulmuar. Ty të parën që doje ta lidhje me Fationin”. Opinionistja e këtij sezoni u përgjigj: “Asgjë more, keqkuptime Bigu! Dea është zemër (me një emoji zemre të bardhë)”.
Discussion about this post