Komisioni Hetimor i ngritur për inceneratorët ka filluar mbledhjen e radhës para 2 orësh, ku pritet që deri në mbyllje të dëshmojnë 7 persona të thirrur. Por me sa duket ky proces do të jetë i vështirë dhe i mbushur me debate, pasi edhe ditën e sotme nuk kanë munguar përplasjet mes opozitës dhe mazhorancës.
Një diskutim i fortë është zhvilluar mes Anila Denaj dhe kryetares së Komisionit, Jorida Tabaku. Teksa zonja Denaj ka kërkuar pushim, Tabaku është nervozuar duke e akuzuar se kjo është një kërkesë tendencioze me qëllim që të mbyllet komisioni dhe të shtyhen hetimet.
Pjesë nga biseda:
Zëra në sallë: Zonja kryetare, kërkojmë pushim
Helidon Bushati: Nuk ka orare këtu, kur ka punë, nuk ka ndërprerje
Anila Denaj: Nuk di që jeni ju kryetar, na e riskeduloni e na e thoni pra
Jorida Tabaku: Zonja Denaj ju lutem
Anila Denaj: Riskeduloni axhendën ju lutem dhe na thoni më pas.
Jorida Tabaku: Zonja Denaj mos të bëjmë diskutime, ditët i hoqët, tani doni të mbyllni Komisionin Hetimor? Çfarë po thoni
Anila Denaj: Zyrtarisht kërkoj riskedulim. Po s’mund të vazhdojmë dy orë, di që ka një axhendë, ju lutem tani.
Discussion about this post