Kreu i Grupit të Partisë Socialiste, Taulant Balla u shpreh ditën e sotme se portet dhe aeroportet janë investime strategjike. Gjatë fjalës së tij në Kuvend, Balla u shpreh në qëndrimin e tij kritik ndaj opozitës, duke shtuar se opozita nuk dihet t’i hyjë debatit për çmimet e fluturimeve pasi nuk krahasohet me kohën kur opozita ka qeverisur.
“Është zhvilluar një debat që më mirë është që opozita të mos i hyjë. Është debat që u intereson qytetarëve. Tani mos hyni në debat për çmimet e biletave. Jam i detyruar të krahasoj me kohën kur keni qenë ju në qeveri. Nuk bëhet fjalë është botë tjetër komplet. Difersifikimi apo numri i fluturimeve është një tjetër çështje. Tani ju kujtoj që Tirana u shpall si vendi me fluks të lartë të fluturimeve. 107 fluturime në ditë. Para 10 vitesh ishin 10 fluturime në ditë. Tani mos u habisni sepse edhe çmimet janë më lirë. Tani për aeroportin e Kukësit, mos gaboj ka qenë aty, ne kemi qenë nga ’97 në 2005 në qeveri, aeroporti përfundoi diku nga mesi i vitit 2001, nuk u bë dot gati në atë kohë. Ju kujtoj që aeroporti i Vlorës nuk ishte në imagjinatë, por besoj se do të hapet më shpejt se afati i përcaktuar dhe shumë shpejt do të jemi me tre aeroporte.”
Ndërkohë, lidhur me këtë situatë ka shprehur qëndrimin e tij edhe Enkelejd Alibeaj i cili u shpreh kritik, ndërsa theksoi se aeroportet janë shndërruar në porta dalëse vetëm për ikje.
“Sa herë që flitet për aviacionin civil pak gjëra u vijnë në mend. Por dua të kujtojmë se për 30 vite është dhënë me koncension aeroporti Nënë Tereza. Sot ai që e ka marrë ju e quani biznesmen, ne e quajmë jo të tillë sepse është sinonim i oligarkut. Për aviacionin civil , ju vijnë në mend kacatorët ,e drogë dhe hashash ku zonja ministre mbyllte sytë. Ndërsa aeroporti i Vlorës dhe Kukësit janë thjesht për tu shfrytëzuar. Aeroportet janë shndërruar në porta dalëse vetëm për ikje, fatkeqësi”.
Discussion about this post