Është shoqëruar me debat seanca në Gjykatën e Apelit të Posaçëm për çështjen e Emiljano Shullazit. Mësohet se, avokatët e të pandehurit kanë braktisur seancën, ndërsa Gjykata ka reaguar për këtë rast duke thënë se avokatët kryesisht nuk paraqiten në këtë proces.
Për shkak të refuzimit, gjykata ka dhënë urdhër për gjykim pa mbrojtës, për dy të pandehurit Blerim Shullazin dhe Gilman Dodanin.
Emiljano Shullazi, Gilmando Dani, Endrit Qyqja, Endrit Zela dhe Blerim Shullazi, akuzohen për kërcënim për dhënie pasurie; shkatërrim të pronës me lëndë plasëse e kanosje ndaj biznesmenëve Ylvi Beqja, Jani Zaka dhe Adriatik Këçuku, grup të strukturuar kriminal si edhe kërcënimin për t’u tërhequr nga gara për rektor të dekanit të Fakultetit të Shkencave të Natyrës, Mynyr Koni, e kanosjen e rektorit Dhori Kule.
Gjykata e Shkallës së Parë për Krimeve të Rënda vendosi të dënojë Emiljano Shullazin me 14 vjet burg, bashkëpunëtorin e tij të ngushtë Gilmando Dani me 12 vjet burg, Endrit Qyqjan dhe Endrit Zelën me nga 10 vjet dhe Blerim Shullazin me 9 vjet burg.
Discussion about this post