Me debate është shoqëruar mbledhja e grupit parlamentar të PD-së, pas rezultatit të dobët në zgjedhjet e pjesshme lokale të 6 marsit, ku kjo parti nuk mori asnjë nga 6 bashkitë. Kreu i PD-së, Lulzim Basha, është shprehur se zgjedhjet e 6 Marsit janë një kurth pas protestës së 8 Janarit në selinë e PD-së.
Burime bëjnë me dije se në mbledhjen e grupit parlamentar, Basha u shpreh se PD ishte e detyruar të merrte pjesë në zgjedhje, ndërkohë që nesër do të mblidhen organet e tjera të partisë.
“6 marsi ishte kurth pas 8 janarit dhe ne u vendosëm para detyrimit për te marre pjese ne zgjedhje. Nesër mblidhen organet e tjera te partisë” – ka thënë Basha.
Mësohet se një nga një deputet i ka kërkuar Bashës që të largohet nga detyra. Ka qenë pikërisht Ferdinand Xhaferri ai që i ka kërkuar Bashës që të largohet.
“Jam me i vjetri dhe me eksperience, s’kam ambicie por përgjegjësi për PD. Berisha s’është zgjidhje dhe e ka mbyll me PD por ti na ke fyer kur thua skam humb asnjë garë. Duhet të largohesh si kryetar!” – tha Xhaferraj.
Deputeti Dashnor Sula i ka kërkuar kryedemokratit të zgjidhje pasi po bëhen të pabesueshëm nga populli.
“Cila është zgjidhja kryetar? Se kështu mund të na thuash përsëri. Si i jep zgjidhje? Ke përgjegjësi t’i dhe ne. Nuk na beson me asnjë kështu” – është shprehur deputeti Dashnor Sula.
Discussion about this post