Është mbledhur sërish Komisioni i Financave dhe Ekonomisë, ku në fokus vijon të jetë diskutimi për projekt-Buxhetin e 2022, ndërsa nuk kanë munguar as tonet e larta.
Ministrja e Ekonomisë dhe Financave, Delina Ibrahimaj deklaroi se projektet në ujësjellës-kanalizime do të marrin 13.8 miliardë lekë, ndërsa dhe FSHZH do të ketë 18.3 miliardë lekë për investimet në infrastrukturë dhe ujësjellës kanalizime.
Gjatë diskutimeve ka pasur një përplasje mes ministres dhe deputetes së Partisë Demokratike, Jorida Tabaku. Kjo e fundit, ndërsa citonte një raport të Këshillit të Lartë të Shtetit tha se për të paktën 5 kontrata koncesionare, në 4 prej tyre në shëndetësi po paguhen nga buxheti i shtetit dhe nuk po merret asnjë shërbim.
Po ashtu, Tabaku tha se më shqetësues është fakti që po flitet për krizë energjetike, por “kjo nuk po reflektohet në buxhetin e shtetit”. Ministrja Ibrahimaj nxitoi të theksonte se çmimet energjisë nuk do të preken për konsumatorët dhe për bizneset e vogla.
Discussion about this post