Lindita Nikolla, e cila drejton mbledhjen e Këshillit të Mandateve dhe Imuniteteve me cilësinë e Kryetares së Kuvendit, tha se çështja ndaj Arben Ahmetajt do të diskutohet javën e ardhshme në Kuvend.
Por duket se ky qëndrim i Nikollës dhe socialistëve në tërësi nuk mbështetet nga opozita, e cila akuzoi në mbledhjen e Këshillit, mazhorancën socialiste, se po zvarrit çështjen.
“Boll e zvarritët çështjen, po i jepni kohë Ahmetajt që të fshihet”, iu drejtua Gazment Bardhji, kryeparlamentares Nikolla.
Bardhi akuzoi në vijim PS se po bashkëpunon me krimin, ndërsa ka kërkuar miratimin e kërkesës së SPAK ndaj ish-zv.Kryeministrit Arben Ahmetaj.
Deputeti demokrat akuzoi PS se me lojrat që po bën po pengon punën e drejtësisë. “Ne e kemi gati raportin, ju po pengoni SPAK”, iu drejtua Bardhi, Nikollës. Në vijim deputeti demokrat ka kërkuar nga Këshilli që të miratojë pa humbur kohë autorizimin që Prokuroria Speciale kërkon lidhur me deputetin Ahmetaj.
Discussion about this post