Debatet për zgjatjen e mandatit të KPK për vettingun kanë vazhduar edhe ditën e sotme në Komisionin e Ligjeve. Por në debate e sipër një koment epik ka dhënë deputeti Saimir Korreshi. Së pari ai ka dalë kundër mazhornacës të cilët akuzojnë opozitën se po bëhet pengesë për komisionin e vettingut. Këtë deklaratë ai e ka shoqëruar edhe me një koment ironik ku thotë se “Nuk e ndalim dot trenin se nuk kemi fener”.
Korreshi ka theksuar në fjalën e tij se askush nuk po bëhet pengesë për procesin e vettingut për aq kohë sa Kushtetuta i ka të përcaktuara afatet. “Një koment, ja një sekondë. Nuk i dalim trenit përpara se s’kemi ndonjë fener që ta ndalojmë. Vetë kushtetua ia ka dhënë rrugën trenit dhe përcakton kur fillon një mandat dhe kur mbaron. Ka tjetër makinist pas qershorit me kushtetute. Nuk ia ndërpresim rrugën. Kushtetua e përcakton qartë se kush mbas qershorit krijon komisionin e vettingut”, u shpreh deputeti demokrat.
Kujtojmë se prej disa javësh zgjasin debatet mes opozitës dhe mazhorancës për procesin e vettingut, pasi PS kërkon ndryshime në Kushtetutë për të zgjatur afatin, ndërsa PD nuk jep konfirmimin e saj.
Discussion about this post