Nuk kanë munguar akuzat dhe ofendimet as në këtë seancë maratonë për buxhetin, ku kryefjalë në debateve ka qenë dhe gjuha denigruese ndaj grave që ndodheshin në parlament.
Ishte ministrja e Infrastrukturës dhe Energjitikës, Belinda Balluku, që iu drejtua deputeteve demokratë se kur Agron Gjekmarkaj i ka cilësuar si “haremi i Ramës” apo kryedemokrati Basha “kukulla të krimit”, ato nuk kanë reaguar.
Kjo bëri që deputetja Grida Duma të kërkojë reagimin e Gjekmarkaj, të cilit i kërkoi të kërkojë ndjesë ndaj deputetëve të PS. Por gjatë fjalës së tij, Gjekmarkaj u shpreh se nuk bëhej fjalë për harem në aspektin erotik, duke mos kërkuar ndjesë, dhe duke fyer ish-zv.kryeministrin Braçen që po e ndërpriste.
Gjekmarkaj: E kam pasur politikisht. Shfaqet tek Iliada dhe Odiseja. Jo në kuptimin e haremit të afrimitetit seksual. Të lutëm. Pusho more ti Derrkuc. (i drejtohet Braçes).
Nikolla: Sërish nuk kërkuat ndjesë, kjo është e trishtë.
Balluku: Ju vetëm vërtetoni atë që thashë për ju. Pavarësisht se kolegia iu kërkoi të kërkoni falje, sot po thoni se është gjë normale. Edhe ju do ta keni një grua në familje. Nuk e di nëse për ju është normal ta quani harem. Atëherë ne do ta pranojmë me kënaqësi këtë gjë.
Discussion about this post