Debati në Parlament, Tabaku-Ahmetajt: Unë fle e qetë, s’jam me frikë se mos më thërret SPAK

Ka vijuar me tone të forta debati në Parlamentin Shqiptar ku nënkryetarja e Partisë Demokratike, Jorida Tabaku ka debatuar ashpër me zvkryeministrin Arben Ahmetaj për Autoritetin e Konkurrencës,

Ahmetaj i është kundërpërgjigjur deputetes së PD-së, duke thënë se të thuash se rritja e çmimeve është bërë për arsye të tregut të brendshëm, është e qëllimshme.

“Raporti i Konkurrencës është një dritë që hidhet në problemet e tregut. Të gjitha instrumentet që ka shteti dhe i lejon një demokraci për të ndërhyrë e për të ruajtur balancat. “

“Konkurrenca në treg sigurisht që do ketë probleme. Të gjitha hetimet janë legjitime. Të gjithë jemi për të mbrojtur konsumatorin. Por hajde ta pajisim autoritetin e konkurrencës dhe ka rekorde pozitive.” tha Ahmetaj.

Ndërkohë, nënkryetarja e PD-së, i është kundërpërgjigjur, duke thënë se mund të mos marrin vesh nga shifrat, pasi nuk janë të gjithë mësues anglishteje.

“Unë jam Jorida Tabaku, nuk është këtu ai që më kërcënoi. Unë fle e qetë, s’jam me frikë se mos më thërret SPAK, nuk më intimidon dhe kërcënon dot, ashtu siç s’më ka kërëcnuar dot në komisionin e Inceneratorëve”, tha deputetja.

Tabaku akuzoi qeverinë duke thënë se masat e marra janë të pamjaftueshme, si dhe ngritja e Bordit për çmimet është një abuzim nga ana e qeverisë.

Ndërkohë kaq ka mjaftuar që Ahmetaj të marrë sërish fjalën dhe të sulmojë Tabakun duke i përmendur disa firma dhe Gjenovan.

“Do firmos për investime publike. Ta kam thënë se çfarë shkon rrotull vjen rrotull. Do ti filloj gjërat unë që Gjenova e deri tek firmat. Të kam paralajmëruar. Dhe unë mbaj përgjegjësinë vetë po unë inkuizitor pervert nuk jam bërë asnjëherë. Dëshirat e tua të errët i përfaqëson. Prit duro jeta është e gjatë.” Tha Ahmetaj.