Vangjel Dule, Kryetar i PBDNJ-së, u largua nga emisioni Open në News24, pas një debate që pati me gazetaren Klodiana Lala, lidhur me arrestimin e Fredi Belerit.
Dule pretendoi se gazetarja po shpifte dhe po bënte lojën e Prokurorisë, ndërsa më parë e konsideroi si të paligjshëm arrestimin e Belerit.
“Po them të vërtetën, po i referohem dosjes së Prokurorisë”, tha Lala, duke paraqitur argumentet që ka përdorur organi i akuzës për të mbajtur në burg Fredi Belerin.
Lala tha se ka një tentativë për të bërë zhurmë dhe për të moslejuar opinionin publik për t’u njohur me të vërtetat në rastin e arrestimit të Belerit.
Ndërkohë Dule pretendoi se ka një dizinformim të opinionit.
“Ti po mashtron, arrestimi i Kokaveshit nuk ka lidhje me lokalin ku thuhet se janë marrë lekët. Janë mashtrime. Ju mashtroni. A ka mundësi? Mua më keni ftuar? Ka një manipulim për të bindur opinionin se ka një shit-blerje kur nuk ka. Nuk do qëndroj nëse nuk respektoni elementët e një bashkëbisedimi. Nuk rri dot këtu kur fyeni. Mos më detyroni të bëj diçka që se kam bërë asnjëherë. Më vjen keq mënyra sesi drejtoni dhe sesi po manipuloni”, tha Dule.
Discussion about this post