Kryeministri Edi Rama ka folur gjatë seancës plenare për bujqësinë duke ndërhyrë në debatin e deputetit demokrat Zef Hila dhe ministres së Bujqësisë Frida Krifca.
Nga foltorja e Kuvendit, Rama solli sërish në vëmendje krijimin e “kooperativës” në Shqipëri e cila sipas tij i jep zhvillim bujqësisë. Ai shtoi se bujku me dy ose tre krerë nuk mund të marrë subvencion nga shteti por vetëm duke u bashkuar me bashkëfshatarët e tyre do të krijojnë rritje më të madhe të prodhimit dhe të krerëve.
“Në fund të vitit të shkuar u ngrit një stallë e madhe për fundin e bujqësisë, vendosja e kapakut të varrit mbi bujqësinë, por fakti që në janar të këtij viti bujqësia ka eksportuar 14 % se viti i kaluar, po më thoni si u rrit kjo shifër. Do të ngremë pika grumbullimi që fermeri të shesë lehtësisht produktet. Nuk merr mbështetje nga qeveria nëse ti ke dy krerë, sepse ajo mbështetje të lë aty me dy krerë, nuk të ndihmon të rritesh. Duke i bashkuar bujqërit 20-40-100 krerë për tu bërë së bashku, të ngrihemi në një tjetër nivel. Të bashkohemi por secili ka pjesën e tij, do të jetë me e lehtë dhe do të ketë stimul për tu rritur dhe për të shtuar krerët”, tha Rama.
Discussion about this post