Reshjet e dëborës që kanë vijuar gjatë pasdites së djeshme dhe gjatë natës kanë krijuar problemet e para në shumë zona të vendit.
Si pasojë është bllokuar segmenti nga hyrja e tunelit të Murrizit, në segmentin rrugor i “ Rrugës së Arbrit”. Në këtë aks po punojnë dy mjete borëpastruese për të normalizuar situatën, por qarkullimi ende nuk është bërë i mundur.
Policia rrugore i bënë apel drejtuesve të mjeteve që vijnë nga Tirana drejt Dibrës, të vendosin goma dimërore dhe të përdorin zinxhirët për shkak të kushteve atmosferike.
Rruga e Arbrit u hap paraditen e djeshme në një ceremoni ku mori pjesë edhe kryeministri Edi Rama, ndonëse vet autoritetet bën të ditur se ajo do përfundojë pranverën e ardhshme. Rruga e papërfunduar në shumë segmente, cilësia e dobët e punimeve dhe mungesa e sinjalistikës, bëri që shumë automjete të mbeten të bllokuara në dëborë.
Discussion about this post