Reshjet e dendura në Britaninë e Madhe kanë shkaktuar probleme me transportin.
Stacionet e hekurudhave dhe aeroportet po punojnë me ndërprerje këtë mëngjes, tha eksperti i udhëtimeve Simon Calder në BBC.
Calder shpjegon se mbi 11 anulime janë në fuqi në stacionin e trenit në Londër Ëaterloo – kjo për shkak të problemeve me furnizimin me energji elektrike pas reshjeve të dendura gjatë natës.
“Në Liverpool, trenat po qarkullojnë pa pasagjerë për të parë se si do të vijojë situata”, vazhdon Calder.
Aeroporti i Mançesterit i ka rihapur të dyja pistat pasi i mbylli përkohësisht për disa orë mëngjesin e sotëm.
Në një deklaratë në X, Manchester tha se disa nisje dhe mbërritje mund të kenë ende vonesa, ndërsa ekipet punojnë për të hequr akullin e avionëve dhe për të pastruar vendkalimet.
Nga ana tjetër, aeroporti “John Lennon” i Liverpool-it sapo tha se do të rihapin pistën e tyre këtë mëngjes në orën 10:15 GMT, ndërsa paralajmërohen vonesa të fluturimeve.
Aeroporti “Leeds Bradford” është një tjetër aeroport i prekur nga moti i keq, ndërsa u konfirmua se pista u mbyll, por thanë se shpresonin ta rihapnin në orën 12:00 në varësi të ndryshimit të kushteve.
Discussion about this post