Moti ka bërë kthesën e papritur mëngjesin e kësaj të marte. Edhe pse jemi zyrtarish në stinën e pranverës, zonat malore janë mbuluar nga dëbora.
Bëhet me dije se në Steblevë trashësia e dëborës ka arritur rreth 10 cm, disa fshatra të Librazhdit gjithashtu janë zbardhur nga dëbora, ndërsa prani të reshjeve ka edhe në Qafë Thanë.
Reshjet e dëborës nuk kanë qënë intensive dhe për rrjedhojë nuk kanë shkaktuar problematika në qarkullim, apo energji elektrike. Rrugët janë të hapura dhe qarkullimi vijon normalisht.
Rikthehen reshjet e dëborës edhe në qarkun e Korçës.
Akset kryesore nacionale: Qafa e Thanës-Pogradec-Plloçë-Maliq-Korçë-Kapshticë, Korçë-Voskopojë, Drenovë-Dardhë, Qafa e Qarrit-Ersekë-Leskovik, Qafa e Zvezdës-Dogana Goricë, etj ishin të monitoruara nga subjektet kontraktore dhe plotësisht të kalueshme.
Në bashkinë Shkodër gjatë natës ka patur reshje dëbore në zonat malore ku në Qafe-Thore ka rreth 20 cm borë, por rruga është e kalueshme. Strukturat e Mbrojtjes Civile në Shkodër bëjnë të ditur se situata paraqitet e qetë dhe pa probleme.
Ne aksin rrugor Kirë-Shosh është bërë e mundur gjatë natës hapja e rrugës nga firma kontraktuese.
Ndërkohë në Bashkinë Fushë-Arrëz gjatë natës ka patur reshje dëbore me intensitet mesatar. Segmentet rrugore Bardhet- Iballë, Bardhet- Qafë-Shllak dhe Fushë-Arrëz-Fierzë janë të kalueshme, por duhet përdorimi i pajisjeve dimërore për përdoruesit e rrugëve. Trashësia e borës në Qafë-Mali rreth 10 cm. Po punohet nga kontraktorët për stabilizimin e situatës.
Discussion about this post