Kthimi i Cristiano Ronaldos në Manchester ka krijuar shumë entuziazëm tek tifozët e United. Biletat për ndeshjen e së shtunës më datë 11 shtator, kundër Newcastle tashmë janë shitur, por ka nga ata që blenë biletat dhe më pas i rishesin ato me një çmim më të lartë, duke arritur në gati 3 mijë euro.
Sipas raportimeve të ‘Times’, ka disa platforma të rishitjes së biletave me çmime që variojnë nga 290 në mbi 800 euro deri te ato që kapin shifrën e 2900 euro.
‘Djajtë e Kuq’ lëshuan një deklaratë: “Ne i këshillojmë fuqishëm tifozët tanë të mos blejnë bileta nga burime të paautorizuara. Këto bileta janë shpesh të pavlefshme, duke i lënë tifozët të zhgënjyer dhe të paaftë për të parë ndeshjen.”/Gijotina.com
