Kampioni i ‘Euro 2020’ Gianluigi Donnarumma debutoi mbrëmjen e së martës me skuadrën e PSG-së në ndeshjen e Champions League kundër Manchester City-t.
Performanca e portierit ishte për t’u admiruar, ndërsa duhet theksuar se deri më tani ai ka qenë zgjedhje e dytë për trajnerin e parisienëve, Pochettinon.
Pavarësisht raportimeve që tregonin se Gigi nuk është i lumtur te klubi francez, duke folur pas kësaj ndeshje gardiani i ka mohuar këto fjalë.
“Njerëzit flasin në rrjete sociale për largimin nga PSG sepse Navas luan si titullar. Qesha kur i pashë këto. Janë plotësisht lajme false. Jam shumë i lumtur te PSG, lëreni të flasin, klubi më mbështet. Ishte ëndrra ime të debutojë në Champions League. Jam shumë i lumtur tani, isha i qetë sepse e dija që ky moment do vinte”,-theksoi Donnarumma.
Rikujtojmë që ai ishte titullar i padiskutueshëm te Milan, megjithatë me mbarimin e kontratës këtë verë portieri zgjedho të kalonte te klubi i PSG-së./K.T/Gijotina.com
