Trajneri Seri Noka që debutoi ditën e sotme me skuadrën e Laçit ka folur pas fitores së ‘Bardhezinjve’ ndaj ekipit të Kastriotit.
Ishte goli i Mazrekajt në minutën e 72-ë të ndeshjes ai që vendosi dhe fatet dhe i dhuroi tre pikët kurbinasve.
Duke komentuar këtë takim, trajneri Noka theksoi se duke qenë se vinin nga një moment i vështirë ekipi i Laçit kishte punuar fort dhe theksoi se kishin pasur edhe këshillat e teknikut Shpëtim Duro, që u kishin ardhur shumë në ndihmë.
“Vinim nga një moment shumë i vështirë, u mundova të ktheja ekipin që kishim në Evropë. Punova vetëm nga ana morale sepse nuk kishim kohë, mora këshilla nga profesor Duro për këtë sfidë.
Punuam shumë edhe me këshillat e Duros në distancë, jo se e ktheva 100 përqind por bëra që të ktheja ekipin që kishim në ndeshjen e Europës me Anderlechtin. Kishim një ngërç psikologjik, nuk kishin djemtë bashkëpunim me trajnerin që u largua, nuk di më shumë.
Objektivat? Është herët për të folur. Grupi është i plotë, nuk kemi nevojë për lojtarë të tjerë. Problemi ishte vetëm nga ana psikologjikë”,-deklaroi Sero Noka./K.T/Gijotina.com
