QSUT ka reaguar pas skandalit të mbrëmjes së djeshme ku një pacient dhe infermieri mbetën të bllokuar në ashensor duke rrezikuar jetën.
Sipas policisë gjendja e tyre shëndetësore paraqitet e rëndë, ndërsa në postimin e saj, QSUT thotë se pacientja ishte me tromboemboli pulmonare, ndërsa të dy të lënduarit ndodhen nën kujdesin e mjekëve.
“Qendra Spitalore Universitare informon se gjatë mbrëmjes së djeshme, në urgjencën e sëmundjeve të brendshme, gjatë transportit të një pacienteje për kryerjen e ekzaminimeve radiologjike, ka ndodhur një incident në një prej ashensorëve. Pacientja, e shoqëruar nga infermieri dhe barrelambajtësi, në dalje nga ashensori, pati lëndime, së bashku me barrelambajtësin, si pasojë e një defekti të ashensorit. Infermieri dhe stafi mjekësor i kanë dhënë menjëherë ndihmën e nevojshme nevojshme pacientes dhe barrelambajtësit. Më pas pacientja u konsultua nga specialistët për këtë lëndim, si dhe vijoi konsultat dhe ekzaminimet për sëmundjen dhe pas kryerjes së skanerit me kontrast, rezultoi me tromboemboli pulmonare, diagnozë për të cilën është në mbikqyrjen e ekipit mjekësor”, njofton QSUT.
Në reagim theksohet se ashensorët janë në sistem mirëmbajtje të plotë sipas kontratës dhe se pritet ekspertiza e mëtejshme për të zbuluar shkakun e këtij incidenti.
Discussion about this post