Ambasadorja e SHBA-ve, Yuri Kim nga stërvitja më e madhe ushtarake në Evropë, “Defender Europe 23” shprehu një mesazh të fortë sa i takon aleancës mes dy vendeve. Ajo tha se amerikanët dhe shqiptarët ecin krah për krah sot, duke qenë aleatë të NATO-s.
“Ja ku jemi në sheshin “Nënë Tereza”, në një shtëpi demokratike, të rrethuar nga aleatët tuaj. “Defender Europe 2023” jemi këtu si aleatë. Amerikanë dhe shqiptarë qëndrojnë krah për krah, dikur të ndarë, tani aleatë të NATO-s. Që prej Defender, Rusia nisi një pushtim të pakuptueshëm ndaj Ukrainës. Ne jemi të bashkuar. Nuk mund të mos kujtoj fjalët e Skënderbeut, heroit shqiptar, por dhe timit: Bashkimi bën fuqinë!
Ky partneritet, na tregon se ne mund të kryejmë çdo mision. Për burrat dhe gratë me uniformë: faleminderit që zgjodhët të na mbroni. Jam kaq krenare që qëndroj krah jush. Ju nxis që të na bëni më të fortë dhe më të bashkuar. Ne, bashkë me Shqipërinë do të vazhdojmë që të bëjmë historinë. Jemi krenarë që qëndrojmë krah për krah me Shqipërinë.”, -tha Yuri Kim.
Discussion about this post