Klubi i Paris Saint Germain ka qenë një nga më aktivët gjatë kësaj merkatoje, duke afruar disa nga emrat më të mëdhenj të futbollit.
Së fundmi në radarin e tyre ka rënë edhe mesfushori i Manchester United, i cili mbaron kontratën me anglezët pas një viti dhe ka refuzuar çdo ofertë rinovimi me ‘Djajtë e kuq’.
Lajmet e fundit që flasin rreth një trasnferimi të mundshëm të tij te PSG, duket se nuk u ka pëlqyer një pjese të tifozëve të kësaj skuadre.
Ata kanë shfaqur disa banderola duke iu drejtuar mesazh drejtuesve te PSG-së, por edhe vetë lojtarit që të mos shkojë në Paris: ‘Pogba, ti duhet të dëgjosh nënën tënde, ajo nuk të dëshiron këtu. As ne”- shkruhet në banderolën e vendosur në stadiumin ‘Parc des Princes’ dhe në ‘Camp des Loges’, qendra sportive e kampionëve të Francës.
Përfshirja e nënës së lojtarit në këto banderola ka të bëjë me një deklaratë të vetë lojtarit shumë vite më parë, kur ka qenë vetëm 18 vjeç. Pogba është shprehur se që fëmijë ai ka qenë tifoz me Marseille dhe po ashtu edhe familja e tij.
Ende nuk dihet se çfarë do të ndodh me transferimin e tij, por tifozët e PSG-së e kanë bërë mjaft të qartë që nuk e duan Pogban në skuadrën e tyre të zemrës./Gijotina.com
