Festivali i 60-të i Radio Televizionit Shqiptar shpalli mbrëmjen e djeshme këngën fituese, e cila ishte ‘Sekret’, kënduar nga Ronela Hajati. Kjo e fundit pritet të përfaqësojë Shqipërinë në Eurovizion në Itali, vitin e ardhshëm. Ndërkohë siç ndodhet zakonisht edhe ky vit ka krijuar polemika lidhur me këngën fituese e një ndër to është dhe këngëtari Stefi Prifti, i cili e ka konsideruar degradim tekstin e kësaj kënge. Ai shkruan se kjo fitore i duket degraduese dhe fton ndjekësit të lexojnë tekstin e këngës dhe të japin mendimin e tyre.
Në vendin e dytë u pozicionua Alban Ramosaj, i cili i kërkoi Ronelës që të sjellë Eurovision-in në Shqipëri. “Jam shumë falënderues për të gjithë bashkëpunëtorët e mi dhe dashurinë që më keni falur. Ronela, po nuk e solle Eurovision-in në Shqipëri, por nuk e solle….Miq duartrokitje për Ronelën”.
Vendin e tretë e ndanë dy artistët e rinj Eldis Arrnjeti dhe Rezarta Smaja.
Discussion about this post