Jo më shumë 1 kilometër është rruga e Tepes nga Qafa e Kalasë, por prej më shumë se 40 viteve nuk është kujdesur njeri për asfaltimin e saj.
Gropat e shumta e kanë degraduar këtë rrugë dhe kohët e fundit është kthyer në problem edhe për këmbësorët, jo vetëm për automjetet.
Kjo rrugë është pjesë e zonës turistike që përfshinë parkun arkeologjik dhe kodrat e Tepes në kryeqendrën e veriut.
Qytetarët që jetojnë në Tepe shprehen se u vjen turp nga turistët e huaj që udhëtojnë nëpër këtë rrugë, e cila ndodhet në këtë gjendje.
“Kur bien reshje shiut kjo rrugë bëhet e pakalueshme për shkak të vërshimit të ujërave dhe gërryerjeve. Krijohet një situatë e rëndë për qytetarët që banojnë në Kodrat e Tepes. Kjo rrugë, u shërben turistëve që vijnë gjatë gjithë vitit, i shërben edhe ndërmarrjes së ujësjellësit Shkodër që administron depot e ujit të pijshëm të qytetit, që ndodhen në këtë zonë” – shprehen qytetarët që jetojnë në Tepe.
Bashkia Shkodër është treguar indiferente ndaj investimeve në këtë rrugë, pasi prej 40 vitesh askush nuk ka vënë dorë edhe pse ky aks të çon drejt zonave turistike, që janë mjaft ët frekuentuara nga turistët e huaj.
