Degradon sherri në parkingun e një qendre tregtare, dy persona qëllojnë me sende të forta 35-vjeçarin

Dy persona janë proceduar penalisht pas një sherri me një person tjetër.

Policia njofton se ngjarja ka ndodhur në parkingun e një qendre tregtare në kryeqytet, ku dy të proceduarit, të moshës 34 dhe 39 vjeç kanë goditur me sende të forta një 35 vjeçar pas një konflikti për motive të dobëta.

Njoftimi i policisë:

Specialistët për Hetimin e Krimeve të Komisariatit të Policisë Nr. 6 referuan materialet në Prokurori dhe nisi procedimi penal në gjendje të lirë për shtetasit A. A., 39 vjeç dhe F. P., 34 vjeç, të dy banues në Tiranë, pasi në parkingun e një qendre tregtare, në rrugën dytësore autostradën Tiranë-Durrës, në bashkëpunim me disa shtetas të tjerë, pas një konflikti për motive të dobëta, kanë goditur me sende të forta, shtetasin F. H., 35 vjeç.