Gjatë protestës së mbajtur në Tiranë, një protestues ka mbajtur një fjalim të ashpër ndaj kryeministrit të Shqipërisë, Edi Rama, duke kërkuar dorëheqjen e menjëhershme të tij dhe llogaridhënie politike.
Ai u shpreh se kreu i qeverisë po shmang largimin nga detyra për shkak të frikës nga pasojat ligjore, duke pretenduar se dorëheqja mund të pasohet nga hetime dhe ndjekje penale.
“Rama ka frikë të japë dorëheqjen, pasi nëse jep dorëheqjen sot shkon në burg. Rama po kërkon mëshirë, po i kërkon OKB-së të marrë një post që të ketë imunitet dhe të mos arrestohet,” deklaroi protestuesi.
Sipas tij, kryeministri duhet të largohet nga detyra dhe të përballet me përgjegjësitë për qeverisjen e vendit, duke theksuar se “duhet të japë llogari për atë që i ka bërë popullit shqiptar”.
Deklaratat u bënë në kuadër të protestave që po zhvillohen prej disa ditësh në kryeqytet, ku pjesëmarrësit kërkojnë ndryshime politike dhe dorëheqje të qeverisë.
Discussion about this post