Intervista e Cristiano Ronaldos me gazetarin, Piers Morgan vazhdon të shkaktojë diskutime.
Portugezi ka bërë deklarata bombastike. Në mesin e përgjigjeve, 37-vjeçari ka konfirmuar se Botërori i Katarit mund të jetë i fundit në karrierën e tij të suksesshme.
Ronaldo e ka komentuar tërheqjen nga futbolli i luajtur vetëm nëse Portugalia e tij arrin të triumfojë në Kupën e Botës.
Deklarata
“Shpresoj që do të arrijmë në finale e madhe. Bëj shaka me Kasemiron dhe them se finalja do të jetë Portugalia kundër Brazilit.
Do të ishte një ëndërr. E di që do jetë e vështirë, por ëndërroj. Moti për mua nuk do të jetë problem. Jemi të përgatitur si lojtarë profesionistë, madje unë preferoj të luaj me mot të ngrohtë”, ka thënë Ronaldo.
Portugalia në Botëror
Kombëtarja luzitane është në mesin e favoritëve për të triumfuar në Kupën e Botës së Katarit, që nis këtë fundjavë.
Trajneri i Portugalisë, Fernando Santos ka një skuadër mbresëlënëse në dispozicion duke përfshirë lojtarë si Ronaldo, Bruno Fernandes, Ruben Dias dhe Bernardo Silva.
Që prej vitit 2003, kur Ronaldo u bë pjesë e kombëtares A, sulmuesi ka luajtur në 139 sfida duke shënuar dhe 117 gola.
Me fanellën e kombëtares, sulmuesi i Manchester United ka fituar dy turne të rëndësishëm: Europianin e vitit 2016 dhe Ligën e Kombeve të sezonit 2018-2019.
Discussion about this post