Ish-kryeministrit i Kosovës, Ramush Haradinaj ka bërë një deklaratë të fortë që ka shkaktuar reagime të forta në shtetin serb. Dje, në një intervistë për “TV Dukagjini”, Haradinaj u shpreh se Beogradi do të bombardohet nëse vetëm një ushtar serb hyn në Kosovë.
“Nëse do të ndodhte kjo, e gjithë bota do ta dinte se Vuçiç po e bënë këtë për shërbim të Rusisë. Nëse nuk po kanë mundësi se si me ia gjet zgjidhjen Rusisë, perëndimi është bukur i zoti me ia gjet zgjidhjen Serbisë, pasi këtë e kanë bërë edhe një herë në vitin 1999. E di që amerikanët nuk lejojnë asnjë ushtarë serb të shkel në territorin e Kosovës. E di që bombardohet Beogradi nëse ndodh diçka e tillë, sikurse në vitin 1999. Këtë e di lidershipi i Serbisë mjaftë mire. Po kaloi një oficer i Serbisë në territorin e Kosovës do të bombardohet Beogradi. Beogradi jo ndonjë territor tjetër”, tha Haradinaj.
Kreu i Aleancës për Ardhmërinë e Kosovës, Ramush Haradinaj, ka shtuar se Serbia e di që Kosova është zonë e përgjegjësisë së Amerikës, Britanisë së Madhe dhe të tjerëve, ndërsa tha se Rusia ka ndikim në disa pjesë të Ballkanit, por në Kosovë nuk ka fare.
Mirëpo ky reagim ka bërë bujë dhe në median serbe, e cila e ka publikuar këtë lajm. Në titull mediat shkruajnë me shkronja kapitale: Haradinaj guxon dhe kërcënon Beogradin?
Discussion about this post