Gazment Bardhi, Kryetar i Grupit Parlamentar të PD-së, i ka drejtuar një apel SPAK që të marrë në konsideratë dhe të nisë hetimet ndaj Kryeministrit Edi Rama, i cili ka lejuar evazionin fiskal nga ndërtuesit, duke shpërdoruar detyrën.
Bardhji ka publikuar edhe një video ku shfaqet Kryeministri në një takim me ndërtues, duke pohuar se ai është në dijeni që çmimi për metër katror i ndërtimeve në Tiranë është disa fish më i lartë se ai që deklarojnë ndërtuesit.
“Edi Rama ka bërë sot një deklarim të vlefshëm për SPAK-un. Kryeministri e di që në biznesin e ndërtimit ka evazion fiskal dhe jo vetëm e ka lejuar të ndodhë, por ka bashkëpunuar për rritjen e evazionit duke u dhënë leje të reja ndërtuesve që fshehin të ardhurat.
Kush fsheh 5 mijë, 6 mijë, 7 mijë, 8 mijë euro m2 shitje? Nuk ka asnjë dyshim që ndërtuesit e tij të preferuar, të cilët, disa i ka shpallur investitorë strategjikë për resorte në bregdet, disa i pajis me leje për kulla. Në të gjitha rastet është firma e Edi Ramës. Dhe është koha që SPAK ta marrë seriozisht hetimin e kryeministrit për shpërdorim detyre përmes lejimit me mosveprim të evazionit fiskal!”, shprehet Bardhi.
Discussion about this post