Ministri i Brendshëm serb, Aleksandër Vulin iu përgjigj në distancë deklaratës së Edi Ramës, ku tha se kërkon të krijojë “Shqipërinë e madhe”. Gjatë një prononcimi për mediat serbe, Vulin tha se BE duhet të reagojë për deklaratat e Ramës, pasi ky i fundit po nxit trazira në Ballkan.
“Kur kryeministri shqiptar Edi Rama thotë se detyra e karrierës së tij politike është ‘bashkimi i Shqipërisë me Kosovën’, të gjitha vendet e Ballkanit heshtin, UNMIK -u, i cili kontrollon Kosovën hesht dhe BE -ja nuk nxjerr deklaratat e saj të famshme që bëjnë thirrje për vetëpërmbajtje. Kur unë, i cili nuk jam kryeministër i Serbisë, thërras në emrin tim për unitetin politik të të gjithë serbëve dhe them se detyra e brezit tim është të krijojë një “botë serbe”, atëherë i gjithë rajoni reagon dhe BE ka diçka për të thënë. Të gjithë heshtin për ‘Shqipërinë e Madhe’, serbët duhet të flasin”. Pengesa e vetme për ‘Shqipërinë e Madhe’ është krijimi i një ‘bote serbe’”, tha Vulin.
Duke qenë se është kritikuar shpesh për qëndrimet ndaj Kosovës, një ditë më parë në një emision televiziv kryeministri Edi Rama deklaroi se kërkon krijimin e Shqipërisë së madhe. Deklaratë kjo që ka shkaktuar shumë polemika.
