Avokat Sokol Hazizaj ka folur sot gjatë një interviste televizive në lidhje me kritikat dhe deklaratat e forta të kryeministrit Rama pak ditë më parë. Sipas avokatit këto deklarata nuk duhet të merren për bazë, pasi janë thjesht një show i thurur mes tij dhe vetë SPAK. Madje, sipas avokatit, nuk është çudi që atë deklaratë ta ketë shkruar vetë Prokuroria e Posaçme.
“Nuk është risi veprimtaria e SPAK. Meqë i është dhënë rëndësi dhe ky organ është nën monitorim nga ndërkombëtarët kjo nuk d të thotë që autoritet qeverisës sot për shkak të kësaj strukture është komplet i pavarur. Lënda merret nga këto struktura. Është sulm i vërtetë ky që bën kryeministri? Fjala e kryeministrit është përgatitur nga Struktura e Posaçme. Institucionet qoftë edhe të pavarura të jenë të pavarura ndaj një mekanizmi siç është këshilli i ministrave që ka buxhetin, strukturën. Të gjitha këto struktura kanë ardhur për shkak të një vullneti politik. Kjo është një lojë sikur kryeministri është shumë i mërzitur.
Ka njëfarë ndërgjegjësimi të institucioneve ndërkombëtare në raport me të drejtën dhe respektimin e të drejtës në gjykata. Ka një ndërgjegjësim të ndërkombëtarëve në raport me lëndën e parë që u jep qeveria strukturës së posaçme. Gjyqtarët dhe prokurorët janë nën preson të vettingut për të mos ushtruar respektimin e të drejtës. Gjykata dhe prokuroria e deritanishme është në presion të madh”, u shpreh ai.
Ndërsa lidhur pjesë me atë deklaratës, ku Rama thotë se do të denoncojë vetë në SPAK kryebashkiakët, Hazizaj tha se tregon që SPAk dhe institucionet e tjera në vend janë të veshura politikisht dhe Rama nuk e ka seriozisht këtë, ose e bën vetëm për presion duke dikur se si janë personat që ka vendosur vetë në krye të bashkive. “Këshilltarët e tij e nxjerrin zbuluar. Do të thotë që ti je ai që i çon atje. Ne jemi në cilësinë e qytetari e dimë shumë mirë si kanë qenë zgjedhjet e kaluara. Sot në gjykatën e shkallës së parë dhe SPAK janë duke u hetuar vepra penale sa i përket proceseve zgjedhore. Çështja është se mbajtja e enës nën presion nuk ka ndonjë shans për të përmirësuar punën e kryetarëve të bashkisë që erdhën pa konkurrencë. Sot këta kryetarë për shkak të keqpërdorimit të financimeve të qeverisë mund të jenë kontingjenti numër një kontingjent i SPAK. Duke deklaruar një gjë të tillë sot , duket sikur qeveria i ka vendosur gishtin kokës se jeni kompetitivë me zgjedhjet e ardhshme. Nëse bëhet fjalë për të vetët, nuk kanë ç’bëjnë për më tej se deklarimet. Kur bëhet fjalë për kundërshtarët çdo deklarim i tij bie në kundërshtim me despozitat. Ti frenon organet e hetimit. E vesh të gjithë hetimin politikisht”, tha ai. Ndërsa theksoi se përgjigja e SPAK për çështjen Dovrani ishte edhe më qesharake se deklaratat e kryeministrit.
Discussion about this post