Një zyrtar rus ka thënë se lufta në Ukrainë do të mbarojë së shpejti, shkruan “la Republica”.
“Operacioni ushtarak i Rusisë në Ukrainë do të përfundojë së shpejti, ne nuk do ta zgjasim atë”,-ka thënë nënkryetari i Komisionit të Punëve të Jashtme të Këshillit të Rusisë Andrei Klimov , sipas fjalëve të cituara nga agjencia e lajmeve “Ateo Breaking”.
Gjatë 24 orëve të fundit në luftën Rusi-Ukrainë anija luftarake ruse Detit të Zi, Moskva, është fundosur në det pasi një zjarr ra në bordin e saj i cili detyroi ekuipazhin të evakuohej. Ukraina thotë se ka sulmuar anijen, ndërsa Rusia pretendon se municionet në bord janë hedhur në erë.
Mbytja e anijes shihet si një goditje masive për marinën ruse. Luftimet vazhdojnë në lindje të Ukrainës, në ditën e 51-të të luftës. Shpërthime janë raportuar edhe në Kiev, si dhe në qytetin Kherson.
Presidenti rus Vladimir Putin tha se Rusia do të zhvendosë drejtimin e eksporteve të naftës dhe gazit në Azi. Ai paralajmëroi se vendet europiane po destabilizojnë tregun duke u larguar nga gazi dhe nafta ruse.
Ndërkohë, presidenti i Ukrainës, Volodymyr Zelensky, ka akuzuar vendet europiane që vazhdojnë të blejnë naftën ruse duke “fituar para në gjakun e të tjerëve”. Në një intervistë për BBC, ai veçoi Gjermaninë dhe Hungarinë. Zyrtarët rusë vazhdojnë të pretendojnë se Ukraina po sulmon zonat kufitare në Rusi.
Ministri i Jashtëm ukrainas Dmytro Kuleba ka bërë thirrje për dërgimin e më shumë armëve në vendin e tij. Ai tha se ata janë të nevojshëm për të thyer rrethimin e Mariupolit.
“Lufta në Ukrainë po ndikon shumë rëndë ekonominë e eurozonës dhe ka shkaktuar rritje të kostove të energjisë, ndërprerje të zinxhirit të furnizimit dhe besim më të dobët të konsumatorëve”, -tha shefja e Bankës Qendrore Europiane, Christine Lagarde.
Discussion about this post