Në lidhje me deklaratën e presidentit serb Aleksandër Vuçiç, pas vendimit të aplikimit të reciprocitetit për targat mes Kosovës dhe Serbisë, i cili do të hyjë në fuqi nga nesër, ka reaguar edhe kreu i Partisë Demokratike, Sali Berisha. Gjatë një konference për media në Beograd më 31 korrik, Vuçiç tha se ai po përpiqet që t’u kërkojë të gjithëve, përfshirë serbëve në Kosovë, që të mos bëjnë asgjë që mund të çojë në konflikt. Megjithatë, ai shtoi se “nuk do të ketë dorëzim dhe se Serbia do të fitojë”. Në lidhje me këtë, nëpërmjet një postimi në Facebook Berisha i cilësoi deklarata e Vuçiçit kërcënuese, pasi Kosova nga nesër nuk do të njohë dokumentet serbe dhe pas dy muajsh do të ndalojë përdorimin e targave serbe.
“Putini i vogël Aleksandër Vuçiçi. Të dashur miq, serbomadhi Vuçiç pasi u zotua në fillim të korrikut për ‘reagim’ vdekjeprurës ndaj vendimit të Qeverisë së Kosovës për vendosjen e reciprocitetit, barazisë midis dy vendeve në përdorimin e letërnjoftimeve dhe targave të automjeteve, duke bërë të detyrueshëm përdorimin nga qytetarët e Kosovës të targës së Republikës së Kosovës në të gjithë territorin e saj, pavarësisht origjinës etnike të tyre. Shtoj këtu se ky vendim i qeverisë së Kosovës që do të hyjë në fuqi në shtator 2022, bazohet në marrëveshje të firmosur ne Bruksel vite më parë nga qeveritë e te dy vendeve. Pas kërcënimit një muaj më parë për reagim vdekjeprurës ndaj Kosovës, presidenti i Serbomadhesë Vuçiç, sot thirri një konferencë shtypi të jashtëzakonshme në të cilën ai kërcënoi haptas perëndimin duke u shprehur se ‘nuk beson se doni konflikt në Kosovë’. Dmth sipas tij zbatimi i marrëveshjes nga qeveria e Kosovës do të përdoret nga ai si ‘Casus Beli’, dhe kjo dëshmon qartë se, Aleksandër Vuçiç është një kërcënim i vërtet për paqen dhe stabiliteti në rajon, dhe se ai paraqet një Putin të vogël në Ballkan. Ky reagim me kërcënim vdekjeprurës dëshmon se nacionalizmi i verbër serb është sot njëlloj si në kohën e Millosheviçit, një fuçi baruti shumë i rrezikshëm për Ballkanin. M,Duke dënuar me ashpërsinë më të madhe qëndrimin e Presidentit të serbomadhisë Aleksander Vuçiç ndaj marrëveshjeve dhe kërcënimin e tij për reagim vdekjeprurës ndaj vendimit legjitim të qeverisë së Republikës së Kosovës parlajmëroj presidentin e serbomadhisë të lërë kërcënimet dhe të mos guxoj ndonjë akt aventuresk se fati i kasapit të Ballkanit, atit të tij shpirtëror Sllobodan Millisheviç e pret” – shkruan Berisha në facebook.
Discussion about this post