Deklaratat e banorëve që rrëfenin se si autori i vrasjes makabre të 8-vjeçarit në Fier, kishte shfaqur herë pas herë shenja rrezikshmërie të lartë, duke përdhunuar dhe ngacmuar banorët e zonës, teksa Policia e Fierit nuk kishte reaguar ndaj denoncimeve të këtyre rasteve, ka bërë që SHÇBA të hetojë këtë institucion.
Në një njoftim SHÇBA, nënvizon se pas publikimit në media të disa deklaratave prej banorëve në fshatin Greçalli të Fierit në lidhje me ngjarjen tragjike të vrasjes së të miturit nga shtetasi i dyshuar, Klodian Çalamani, SHÇBA ka nisur procedurat hetimore mbi veprimet e Policisë Fier në lidhje me denoncimet e kryera ndaj autorit përpara ngjarjes së datës 16.11.2021.
SHÇBA fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90.
Përdhunimet e kryera nga Klodian Çalamani u rrëfyen sot nga vet familjarët e viktimave të përdhunimit, ku theksohet se ndonëse rasti është denoncuar në polici, organet kompetente kanë heshtur nën argumentin se nuk kishte shumë që kishte dalë nga burgu.
“Të tëra të këqijat i ka.E kam djalin e mikut tim. Ka qenë problematik, i ka të gjitha moralet e këqija, kurvar, hajdut. Siç ka qenë i ati është edhe i biri. E kemi përzënë nga shtëpia, qe kam çuar dhe në polici. Më ka bërë edhe mua një gjest te shtëpia. Donte të përdhunonte gruan time, ka ndodhur pasi dola nga burgu edhe vetë. Ai të tëra të këqijat i ka. Më përdhunoi gruan, çfarë do të bëjë më. Bridhte me biçikletë tij, bën vaki që i ka marrë edhe lekë dhe e ka vrarë në bahçe. Aq logjikon. Nuk u dënua për gruan time, sepse nuk kishte shumë që kishte dalë. Un e denoncova, e rrahën dhe nuk i bënë gjë. Edhe frikë kemi pasur se ai është njeri i paparë duhet varur me se s’bën, mendimi im dhe i tërë fshatit është ky. Mbante edhe thika, hanxharë me vete.”, tregon një banor.
Banorët tregojnë se ai është një person i rrezikshëm, për të cilin drejtësia nuk funksionoi kurrë.
“Ka bërë ai si ska bërë, të tillë ka bërë, por s’ka ligje s’ka, ata prokurorë e gjyqtarë janë të korruptuat të tërë. Edhe para ca vitesh ashtu ka bërë këto gjëra.”
Lidhur me shkaqet e vrasjes makabre të 8-vjeçarit, iniciuar nga e shkuara e autorit, banorët hedhin dyshime se fëmija mund të jetë përdhunuar fillimisht, e më pas është vrarë.
“Hante një copë bukë, flinte dhe më dhe.Pa folur ekspertiza ne nuk flasim dot më shumë.Nuk kishte pse e donte atë fëmijë ai 8-vjeç, as pse ta merrte ta fuste..veçse përdhunim.”
Discussion about this post