Deputeti i PD, Besart Xhaferri i ftuar në emisionin ‘’Ora e Betit’’ në Ora News u shpreh se dekreti i presidentit për ‘’Diellën’’ ministren me inteligjencë artificiale do ngelet një turp i presidentit.
Xhaferri: Është një president qesharak. Është një zgjatim i pastër i pushtetit të gjithëpushtetshëm të kryeministrit të Republikës Kryeministrore të Shqipërisë.
Dhe patjetër ka bërë detyrën që ia ka caktuar vetë partia e tij.
Nuk ma kishte marrë kurrë mendja se presidenti i Shqipërisë mund ta bënte.
Pra kjo e tëra është një betejë PR që Rama të marri titujt e mediave ndërkombëtare se për mediat shqiptare nuk është se i intereson shumë.
Por kur nuk e kanë bërë dot akoma shtetet më të zhvilluara të botës që prodhojnë inteligjëncën artificial, normalisht që kjo është thjesht një fiasco.
Ajo ministri nuk ka për të ekzituar kurrë por do jetë thjesht një kakofoni e shpërndarjes së punëve publike që të mos ngelet përgjegjësia te asnjë individ.
Pastaj për të shkuar tek dekreti presidencial, patjetër që ky do ngelet një turp i radhës i atij presidenti që i përulet kryeministrit.
Discussion about this post