Ekspertët e mjeksisë ligjorë kanë dorëzuar aktin e ekzaminimit të 6-vjeçares së dhunuar në Kamëz.Ekzaminimet e specialistëve kanë dalë në konkluzionin se mbi 6-vjeçaren është ushtruar vetëm dhunë fizike, duke përjashtuar mundësinë e një abuzimi seksual siç u aludua, referuar shenjave që e mitura kishte në organet gjenitale.
Sipas mjekëve, vajza kishte dëmtime në zorrë, mëlçi dhe pankreas por kjo për shkak të dhunës fizike që është ushtruar ndaj saj, por këto janë shenjat e vetme të gjetura nga mjekësia ligjore, ndërsa për abuzim seksual nuk është gjetur asnjë e dhënë në trupin e të miturës.
Babai i të miturës në deklaratën e tij para policisë kishte pranuar dhunën fizike të ushtruar ndaj vajzës së tij, të cilën e kishte gjuajtur me thupër pasi bezdiste të ëmën në telefon teksa ajo ishte në punë.
Aktualisht e mitura vijon të jetë nën kujdesin e mjekëve në Spitalin e Traumës, teksa po trajtohet dhe nga punojnës të shërbimit socialë e psikologë.6-vjeçarja është marrë në mbrojtje nga Agjensia për Mbrojtjen e Fëmijëve.
Babai i të miturës u arrestua dhe vijon të qëndrojë në paraburgim pas kërkesë së Prokurorisë së Tiranës.
Gjithashtu prokuroria ka kërkuar edhe ekspertizë për prindërit nëse janë apo jo përdorues të lëndëve narkotike.
Discussion about this post