Personi që po shikoni në foto është Xhevit Sinani, 75-vjeçari që vrau gruan dhe vëllanë e tij pasditen e sotme.
Ngjarja e rëndë ndodhi në fshatin Tërvol të Gramshit, ku 75-vjeçari kreu krimin e dyfishtë me sëpatë. Fillimisht ai qëlloi të shoqen, Zeqine Sinani në banesën e tij dhe më pas ndoqi të vëllanë, Shaqir Sinani, ku e masakroi në vreshtat e rrushit.
Mësohet se autori sapo ka vrarë dy familjarët e tij ka shkuar në familjen e krushqve të fisit Ranxha, i cili ndodhej pranë kanionit të Holtës.
Atje ka marrë në telefon djalin e tij, ku i ka thënë se ka vrarë të ëmën dhe xhaxhain. Autori ka qenë në shtëpinë e tyre në momentin e arrestimit nga policia.
Discussion about this post