Personi që shihni në foto është Dragan Shqekiç, efektivi i Pikës Kufitare në Malin e Zi. Ai është një prej policëve që dhunuan Petraq Milon, ish-këshilltarin e Ilir Metës si President që aktualisht mban postin e kryetarit të Ekonomisë në Partinë e Lirisë.
Efektivi në fjalë është personi që është filmuar teksa qëllon në fytyrë Milon në sy të pjesëtarëve të familjes së tij. Më pas, ai e ka nxjerrë me forcë nga makina dhe e ka dhunuar bashkë me kolegët.
Shqekiç është shkarkuar nga detyra bashkë me një kolegun e tij.
Ky vendim vjen një ditë pasi mediat e vendit fqinjit ngritën alarmin për dhunimin e Kryetarit të Komisionit të Ekonomisë në Partinë e Lirisë si dhe publikuan pamje të tjera nga rrahja barbare.
Discussion about this post