Një incident ka ndodhur këtë të premte në Lushnje, ku janë përfshirë nga flakët disa agrume. Policia bën me dijse se personi M.B., pasi ndezi zjarrin për djegien e barërave të thatë situata i ka dalë jashtë kontrollit dhe si pasojë e përhapjes së flakëve janë djegur 70 rrënjë agrume në tokat e dy personave të tjerë.
Njoftimi i policisë:
Specialistët për Hetimin e Krimeve në Komisariatin e Policisë Lushnjë proceduan penalisht shtetasin M. B., pasi ka ndezur një zjarr për djegien e barërave të thatë dhe si pasojë e përhapjes së flakëve janë djegur 70 rrënjë agrume në tokat e shtetasve L. K dhe A. H. Materialet i kaluan Prokurorisë, për veprime të mëtejshme procedurale.
