Pallati 12-katësh në qytetin e Lushnjës është “pushtuar” sërish nga flakët, edhe pse forcat zjarrfikëse ia dolën t’i vinin nën kontroll pak orë më parë.
Riaktivizimi i njërës prej vatrave të zjarrit mori përmasa të madha duke përfshirë dy kate të pallatit dhe duke e nxjerrë situatën jashtë kontrollit.
Mësohet kati i katërt i godinës është djegur plotësisht.
Forcat zjarrfikëse të Lushnjes, Tiranës, Durrësit e Elbasanit e kanë të pamundur të futen në brendësi të ndërtesës, por janë duke tentuar ta normalizojnë situatën duke iu afruar flakëve me ndihmën e vinçave.
Pas evakuimit të banorëve rrezik mbetet siguria e banesave të tyre dhe e godinave përreth qendrës tregtare të cilat ndodhen shumë pranë, banorët e të cilave janë evakuuar.
Forcave zjarrfikëse tanimë i ka ardhur në ndihmë edhe ushtria.
Shikoni fotot
Discussion about this post