Reshjet intensive të shiut kanë fryrë tej mase lumin e Viroit, çka ka bërë që të dalë nga shtrati në aksin Gjirokastër-Tepelenë duke e bërë të pamundur kalimin në këtë rrugë. Ndërsa, fakti që shirat po vazhdojnë më intensitet të lartë pritet që lumi të dalë nga shtratit edhe në vende të tjera, çka rrezikon përmbytjen e dhjetëra shtëpive.
Nga ana tjetër, po në qarkun e Gjirokastrës, ka bllokim të pjesshëm te rrugës si pasojë e rrëshqitjeve të inerteve. Për momentin rruga është gjysme e kalueshme.
Shiu i dendur ka shkaktuar përmbytje edhe bashkinë Dimal. Reshjet e rëna gjatë 24 orët e fundit kanë shtuar prurjet e lumit Osum i cili përgjatë gjithë rrjedhës së tij ka sjell probleme duke përmbytur toka bujqësore, biznese dhe banesa .Lagjja 18 Nëntori në bashkinë Dimal (Ura Vajgurore) ndodhet nën ujë. Ende nuk ka ndonjë reagim nga bashkia ndërsa banorët presin të alarmuar se çfarë do të ndodh në orët në vijim. Ndërsa, një banoi i zonës ka thënë si familja e ti edhe shumë të tjera kanë mbetur të bllokuara, pasi katete para janë të përmbytura totalisht.
“Nuk kemi ku të shkojmë, s’ka kush e bën pritën, na është mbytur i gjithë kati i parë i banesës nën ujë. Jemi 3-4 vite që po përmbytemi, duhet bërë prita askush nuk merr masa, qeveria erdhi kot, e kanë zanat ata. Kati i parë doli jashtë përdorimit edhe në katin e dytë lart kemi lagështirë. Gjithë familjen e kam brenda në shtëpi, një lagje komplet është e zhytur në ujë”, tha banori. Ndërsa kërkoi ndihmë nga qeveria pasi kanë edhe bagëtitë që po ngordhin në ujë, duke theksuar se kjo situatë përsëritet çdo vit por asnjëherë nuk janë marrë masa.
Discussion about this post