Pas një ore brenda në Prokurorinë e Posaçme, kreu i DPSHTRR ka dalë nga zyrat dhe ka dhënë një deklaratë për mediat. Ai është shprehur se u thirr nga SPAK për një verifikim por çështja nuk ka lidhje me institucionin që ai drejton. Gjithsesi, kreu i DPSHTRR nuk pranoi të japë më shumë detaje.
“U thirra për një verifikim. Çështja që u pyeta është nën hetim, por nuk ka lidhje me Drejtorinë e Transportit Rrugor dhe as me detyrën time. Gjithashtu, paraqitja ime në SPAK nuk ka lidhje as me ministrin”, u shpreh ai.
Ndërsa vlen të përmendet që dyshimet e para ishin se Gonxhja shkoi në SPAK për një kallëzim të bërë ndaj tij për shpërdorim detyre nga nisma Thurje 2 vjet më parë. Ai nuk ka komentuar asgjë mbi këto pretendime.
Discussion about this post