Ish-ministri i Mjedisit, Lefter Koka, ka dalë sot para gjykatës në lidhje me çështjen e inceneratorët. Gjatë fjalës së tij, Koka ka mohuar akuzat e ngritura kundrejt tij për aferat me inceneratorët, duke përfituar 3.7 mln euro. Mësohet se ai ka thënë se nuk ka shkelur ligjin, ndërkohë që gjykata është tërhequr për vendim.
Koka u arrestua për llogari të hetimit të SPAK, me akuzën se ka përfituar para në mënyrë të paligjshme nga kompanitë koncesionare të inceneratorit të Elbasanit, para që kompanitë i kanë marrë në buxhetin e shtetit.
Pas mbërritjes në qelitë e paraburgimit në Tiranë të martën, ish-ministri i Mjedisit Lefter Koka takimin e vetëm e ka pasur me avokatin e tij, Fatmir Brrakën. Ndërsa ende nuk janë ekzekutuar nga policia dy urdhër arrestet e pa ekzekutuara ende për Klodian Zoton dhe Stela Gugallaj, administratorë të kompanive koncensionare. Në vendimin e Gjykatës së Posaçme dhënë më 12 dhjetor është vendosur edhe sekuestro preventive ndaj kompanisë “Albtek Energy” e cila fitoi tenderin inceneratorit të Elbasanit dhe kontraktoi për ndërtimin e tij kompaninë “Integrated Technology Services” dhe që sipas SPAK, të dyja kontraktuan kompania të tjera për të bërë punë fiktive. Prokuroria e Posaçme dyshon se pikërisht përmes këtyre kompanive që i ka kaluar në emra të rrethit të tij familjar ka përfituar në mënyrë të paligjshme 3.7 milionë euro ish-ministri i Mjedisit.
Discussion about this post