Prokurorin in Kurbinit, Arben Nikaj, ka dalë para Komisionit të Pavarur të Kualifikimit, ku i janë gjetur një sërë probleme me pasurinë. Sipas Komisionit, avokati doli i pastër nga në kriterin e profesionalizmit dhe figurës, por e kishte të pamundur të justifikonte blerjen e një apartamenti.
Konkretisht, në seancë u evidentua pamundësi financiare për shlyerjen e një pjese të kësteve të një apartamenti me sipërfaqe 122 m2 në zonën e quajtur “Fresku” në Tiranë gjatë vitit 2011, kur dhe ka lidhur kontratën e premtim-shitjes për çmimin 51 mijë euro.
Si burime të krijimit të kësaj pasurie, prokurori Nika ka deklaruar një kredi me kushte lehtësuese në vlerën 2.5 milionë lekë dhe kursimet ndër vite.
Gjithashtu, komisioni evidentoi se subjekti ka ndryshuar deklarimet lidhur me burimet që kanë shërbyer për pagesat e kësteve. Nika ka shpjeguar gjatë hetimit se për pagesën e dy kësteve kanë shërbyer dy hua të marra prej vjehrrës dhe motrës së tij, por pa rezultat bindës. Për këtë arsye, trupi gjykues shtyu seancën për shpalljen e vendimit më datë 16 shtator, ora 09:50.
E.H, //gijotina.com/
